日籍女模椋名凜（Rin），出道以來肯搏肯露，成功在一眾G模之中殺出一條血路，隨着知名度大增，Rin繼續我行我素，縱使捲入虛報年齡及曾拍全裸寫真風波，仍無損大好心情。擁有勁爆35E身材的Rin，日前穿上三點式泳衣，與貌似球壇靚仔基斯坦奴朗拿度（C朗）及嫩版狼人曉積文的兩名型男，結伴到恒豐酒店泳池戲水。
C朗池邊享受推油
35E的Rin穿上三點式泳衣，豐滿上圍一步一搖晃，吸引全場注意，而陪伴她身邊的兩名靚仔更是引死人，均擁有模特兒高大身形，結實肌肉襯健康膚色，其中一人甚有球壇靚仔C朗風範，另一位就貌似嫩版狼人曉積文。型男美女組合結伴到恒豐酒店泳池，甫到場便熟練地揀好沙灘椅，繼而互搽太陽油，完全不用熱身已打成一片，其中翻版C朗主動幫手服侍Rin推油，出動雙手不停在她身上游走，氹到Rin一副冧樣，狀甚享受，完全當身旁的嫩版曉積文冇到。此時，Rin發現在旁的嫩版曉積文悶悶不樂，即主動撩對方傾偈，逗得對方哈哈大笑，更出其不意抱起她，旋即拋她下水，開一個大玩笑。
椋名凜享受翻版C朗的推油技術。
翻版C朗為Rin推油，氹到她一副冧樣。
椋名凜被嫩版曉積文抱實準備拋落水。
椋名凜被拋下水時嚇得嘩大叫。
嫩版曉積文將Rin抱起拋落泳池。被掟落水的Rin雖然嘩鬼叫，但不怒反笑，翻版C朗即識做地跳進池內陪她暢泳兼玩騎膊馬，發揮正版C朗強項「控球頂波」，結果Rin細小的比堅尼上衣不慎移位令「咪咪」出走，露出南半球。經一輪廝磨，Rin和翻版C朗齊齊到池邊飲冰凍飲品降溫，只見兩人愈傾愈埋，35E上圍幾乎貼緊男方胸膛，令嫩版曉積文相當無癮急急叫離開，Rin則拉着兩型男齊到池邊留影，才捨得換衫走人。
Rin和翻版C朗玩騎膊馬時，兩人笑到見牙唔見眼。
翻版C朗與椋名凜玩控球兼騎膊馬，親密無間。
夾頭Rin用腳夾着翻版C朗的頭，玩得不亦樂乎。
椋名凜被翻版C朗輕易舉到半空中。
椋名凜與翻版C朗蜜蜜飲，身後的嫩版曉積文十分無癮。
拋胸Rin拋胸爬上池邊，令正在歎凍飲的嫩版曉積文眼睛大吃冰淇淋。
蜜照翻版C朗為Rin和嫩版曉積文拍攝甜蜜合照。
趁約會練英文
其後記者致電Rin，問她為何兩男一女同行？Rin說：「因為大家都係同公司嘅同事，成日都有機會傾偈所以好熟，加上我想練好啲英文，咪多啲一齊囉！（有冇發展機會？）我身邊有好多男仔，慢慢睇吓先，每個人都有機會，視乎佢哋嘅表現啦！」談到她與翻版C朗似乎最投契，Rin冧爆說：「翻版C朗好勁㗎，佢係羅馬尼亞連續三屆最受歡迎男模，又成日上國際雜誌封面。」
資料來源：On.cc
0 意見:
張貼留言