[影片] 女博客小丁裸撐最低工資$33

勞工界最肉感一頁今日改寫！三年前職工盟李卓人撐紮鐵工人，除汗衣露出豬腩肉，今時今日勞工界砌最低工資如火如荼，阿人喺立法會講到口水乾、眼濕濕，剝衫呢啲咁艱巨嘅工作惟有交棒畀 80後。網界紅人露體狂女博客小丁，最近喺民間團體邀請下剝光豬撐最低工資 33蚊，同前香港足球先生李健和、流行曲監製周博賢齊齊上 YouTube。

如觀看不到，請重新整理(F5)或到 發夢 King　觀看內容

小丁喺段片入面一如既往以全裸美好身段示人，只係用黑膠紙剪咗「 33」兩個數目字遮住兩點，向來關心時事嘅佢，唔滿意臨時最低工資委員會畀商界代表霸住晒，又話家出去食嘢好多時都 30幾蚊一個餐，好多人勞碌一個鐘都賺唔到餐飯，「個餐唔係食翅，係魚蛋粉，都換唔到。」佢自己做平面設計師，三餐應該唔太愁，但就擔心第日有啲打工仔女要時薪 8蚊去洗碗。
呢段片嘅始作俑者係民間爭取最低工資聯盟葉寶琳，佢之前搵咗周秀娜拍片打頭陣，今次再搵周博賢、李健和、小丁，希望令到更多人明白 33蚊嘅重要性，「家喺度傳 28蚊，個委員會黑箱作業，出嚟又唔講考慮乜嘢因素，工人未必受惠」。

如觀看不到，請重新整理(F5)或到 發夢 King　觀看內容

小丁噚日喺自己個 blog同 facebook度 post咗幾張 behind the scene，着住粉紅色上衣嘅 Bobo搭住小丁嘅靚靚裸背影咗張合照，網友當然唔放過 Bobo，問佢幾時除埋一份。佢唔回應，八方打去再逼迫佢，佢就笑住話有 33蚊就除，嘩！係咪先？如果係就真係要全城總動員力爭 33蚊！相信整個社運界都熱切期待！

如觀看不到，請重新整理(F5)或到 發夢 King　觀看內容

李健和：得 20蚊點頂？
至於佬界代表和仔就話，自己比較幸運，退咗休可以喺足球圈度有份教練 job撈吓，但就唔係個個都咁好彩，如果兩公婆有個細路，一頭家搵唔到萬零蚊真係好辛苦， 33蚊一個鐘計，一個月都係六、七千蚊，交通費、日常用品又貴，和仔話呢個數目真係唔係多。「得 20、 21蚊你點頂呀？就算 33蚊都係叫做好啲，唔係理想呀！」

如觀看不到，請重新整理(F5)或到 發夢 King　觀看內容

4分鐘原片

如觀看不到，請重新整理(F5)或到 發夢 King　觀看內容

小丁 Blog

資料來源：蘋果日報

提示訊息

鑑於此原因，如此訊息出現在非『發夢』©King 網站下，那此站屬未經授權下惡意複製文章的「暴徒」！！