強力推薦

必看推介

星期六, 8月 28, 2010

[影片] 又係港女 ---- 人不如狗,女狗主屈的士司機拒載


近來存放影片播放器的地方被駭了,如果看不到影片通知一聲,我會跟進修改,不好意思!!
市民搭的士被拒載可投訴,但若帶着動物,司機便有權不接載。一名抱狗上車女子由於沒為狗隻戴口罩,被司機拒載,但女子堅拒落車,更報警反指的士司機無理拒載,又哭訴被「粗暴對待」,過程被司機拍下上載到 YouTube,有網民批評狗主「阻人搵食」。
名為「 kongnui」的短片昨成為網上熱門討論話題,於本周二上載,事發時間地點未見說明。歷時 33秒片段開始便見到一名年輕女子手抱一頭哥基犬,拿着手機向友人哭訴:「佢(司機)不停咁鬧我,你唔好收線住啦,你一收線佢就鬧我,收線我點知佢會點做?我拎住個電話梗係安全啲!」



單聽女事主說話語氣像是害怕得幾乎落淚,會以為的士司機態度窮凶極惡,不過片段中男司機卻平和語氣說:「小姐,千祈唔好寃枉我,我只係要求你離開車廂,冇對你做出不禮貌行動。」根據《道路交通(公共服務車輛)規例》,的士司機有酌情,決定是否搭載動物或鳥類,若有損毀更可要求賠償。


如觀看不到,請重新整理(F5)或到 發夢 King 觀看內容



網民指摘女狗主扮可憐
有網民批評女狗主扮可憐:「司機大佬都幾好聲氣,但佢就扮晒喊,重要阻住人搵食,野蠻得太過份!」
短片的司機在一個討論區形容自己也是愛狗之人,但過去接載帶狗乘客時,試過被狗咬傷,幾乎釀成車禍,因此才要求女事主先替狗隻戴口罩,他說:「港女話冇口罩,我要求佢離開,佢聲大夾惡,話我無理拒載。」擾攘一輪後,女事主最後報警。「司機人權何在?前後阻咗我一個鐘搵銀時間。」
的士小巴權益關注大聯盟主席黎銘洪認為法例對司機保障不足,「乘客鍾意就報警,但明明係我哋啱,冇人賠償我哋損失。」香港寵物福利協會成員 Iris慨嘆狗主形象被拖累,她說:「大部份狗主都知司機有權唔載寵物,截過另一架的士就得啦,無理取鬧只會令到唔鍾意狗嘅人,更加唔鍾意狗。」


以下來自 Taxi 香港的士論壇 的原文下午4點半,一街係手,條港女抱隻金毛尋回上車,我已耍手擰頭,
佢係都要上,我同佢講,我都係愛狗之人,但你要約束好隻狗,
我要求戴上口罩才接載,否則請另聘高明,
因為根據法例,的士司機有權拒絕接載寵物。

條港女話冇罩,我要求佢離開,
佢聲大夾惡,話我無理拒載,
我答:若我拒載,好簡單,
抄下我車牌和司機證,打28899999投訴就可以,
你不能在司機未同意下強行登車!
條臭西抱住隻狗,死都唔肯走。

擾讓半粒鐘,仍堅持我要載佢隻狗,
我多次解釋,根據香港法例第374D章第42條,
的士司機有接載狗隻與否的絕對酌情權,
條臭西報警,冇法,焗等!

15分鐘差佬仲未到,臭西撥輪,大概係打俾條仔卦,
扮晒可憐詐喊,話有個的士司機蝦佢,令佢好難過,
我即刻警告佢,咪製造假證據妨礙司法公正,
由開始至現在,我只係要求隻狗有罩才載,
佢仍然對住電話繼續喊,係詐喊,唔肯收口。

我擰部相機出來,警告佢,
我而家開始拍片,呢條片可能成為日後呈堂證據,
我要告你 騎刧的士,妨礙司法公正,
我將會追討 精神 及 營業 損失,
條片足足拍左10分鐘,如有需要,
我會公開呢條片,讓市民認識呢條港女。

最後,差人到,我當然岩晒,
我當面投訴,但係又俾人撳住要息事寧人,
司機人權何在?
前後阻左我一個鐘搵銀時間
唉,港女!

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解我一定要隻狗戴口罩呢?
我有過至少3次接載狗隻之不快經驗,
有次無啦啦俾隻狗咬一啖,一次俾隻狗舔,
另一次係隻狗跳去車頭噬起棚牙,
突然其來的對峙,幾乎炒鑊杰撻撻!

狗係忠心於主人,但對陌生人有戒心,
司機的駕駛動作可能被誤以為挑釁,而突然攻擊,
所以,以後我堅持,無論貓狗,
必須有穩固之約束裝置才接載。

重申:我係愛狗之人,家中亦有養寵物。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解咁L多人以為有錢大L晒?
養狗都唔識的士可拒載狗隻?
冇狗口罩或鐵籠或貓袋,學乜L野人搭的士?
冇私家車,學乜L野人養狗?

附錄:香港法例第374D章第42條條文


原片(已刪除):
如觀看不到,請重新整理(F5)或到 發夢 King 觀看內容



資料來源:蘋果日報、香港的士論壇


提示訊息
鑑於此原因,如此訊息出現在非『發夢』©King 網站下,那此站屬未經授權下惡意複製文章的「暴徒」!!

0 意見:

Related Posts with Thumbnails
火熱文章 :
Check PageRank MyHotPost
Sitetag
Widget by Ayuda para Blog

總人氣:
 

『發夢』©King 版權所有 © 2008-2010
♥ Log in ♥

Revolution Two Church theme Blogger Template
by 『發夢』© King Converted to Red Version