

有「浸大E神」之稱的楊梓瑤(Carol),早前到峇里拍攝寫真集,以多款火辣造型上陣,大玩冰極誘惑,誘發宅男無限幻想。擁有E Cup身材的Carol自爆在酒店床上只穿內衣上陣,除了邊飲冰水邊影相,最惹人遐想是她將一粒冰放上胸部,意識大膽。
問到會否擔心被轟意識不良,Carol說:「預咗有人會咁講,唔擔心得咁多。自己主要係聽攝影師講,盡量拍多啲新鮮感嘅相,尊重佢嘅決定。」


如果影片不能顯示,請重新載入網頁!
皮膚白皙的 Carol除了晒白奶外,更穿上 deep V裙以女神 look於廟外拍照,卻遇上鹹濕馬騮抽水,她昨日說:「嗰隻馬騮好多手,佢扯走我嘅頭飾,又掹我 bra帶,佢真係好掹唔掹,我嚇到成個人彈開。」其火辣身材招人畜注意,問她會否為身材買保險?她反問:「幫前面兩嚿肉?其實有時負荷重腰骨痛,不如成個人買保險。」

Carol 22歲 34E、 24、 34
Carol又自爆早前被仔飛,與拍拖數月的圈外男友分手,她說:「佢唔准我性感,但我識佢時已經係 model,我唔想事業一起步就停,呢個人太絕,但都多謝佢狠撇我,如果唔係我唔會咁有決心出寫真,我一定會送番本畀佢留念。」



為谷寫真 Carol頻頻出動,昨晚她又在將軍澳錄影《超級遊戲獎門人》,主持錢嘉樂不停以其身材開玩笑,着她彎身鞠躬及示範跑步,但 Carol不介意,她說:「娛樂話題, just for fun啫。」同場的黃婉曼近日被指自爆有 32F上圍,她不否認:「 F cup嘅好難買,自己都要戴細一個 bra。」


資料來源:蘋果日報,OnCC
0 意見:
張貼留言