Raindow 自言跟嫩模無暗鬥
敖嘉年與方力申口味不同
劉欣宣無懼被指波大無腦
劉欣宜、鍾蕙芝、胡心諾、周凱盈及「翻版Janice Man」劉佳欣昨日以王妃造型出席《天子群俠傳》網上遊戲宣傳活動，眾女穿上 tube top 款的古裝示人，戴上nude bra 打底，兼明顯把上衣摺細了的E cup Baby 劉欣宜與以 bra top 打底的鍾蕙芝各有睇頭。未知是否怕死敵走光搶鏡，劉欣宜在台上不忘為鍾蕙芝綁緊鬆脫上衣兼包上圍巾，期間自己又可借勢擴胸。不過劉欣宜的張良計，卻不及鍾蕙芝的過牆梯，毫不錫身的鍾蕙芝不時烏身露罅，背脊又露出打底衫，搶盡遮遮掩掩的劉欣宜「峰」頭。擁 34E 導彈的 Lavina 更請嘉賓之一的敖嘉年食波餅，嚇得男方即時彈開。
擁有相同cup數的劉欣宜（右）與鍾蕙芝均稱不怕被對方搶風頭。
明顯把上衣摺細了的劉欣宜上圍更見澎湃。
憑 34Ｅ上圍彈出的 Lavina，昨日毫不吝嗇大騷驕人身材。
鍾蕙芝背部露出打底衫。
早前有傳 Lavina 和 Rainbow 唱衰 E Cup Baby 有臭狐，昨日她們有傾有講，更自言在後台互相為對方整理衣服防走光。問到在後台更衣時是否有聞到「狐味」時， E Cup Baby 反問記者有否聞到她身上有異味， Rainbow 則說：「冇異味，可能夏天有汗，應該唔係。」對於如何在一班o靚模中突圍而出， Rainbow 自言與各人關係友好，沒有外間所傳的爭拗，她說：「大家冇暗鬥，各有所長，佢哋身材出眾，我17 歲 sell青春同 40吋長腿。」
被傳有臭狐的 E Cup Baby，追問記者是否聞到她身上有異味。
E Cup Baby 劉欣宜與死敵鍾蕙芝（Lavina）忽然友好！兩人出席活動時，劉欣宜未知是否怕鍾蕙芝會靠走光搶鏡，故在台上急急為對方綁緊鬆脫上衣兼包上圍巾，自己卻摺細上衣借勢擴胸，並反擊「前輩」李蘢怡波大冇腦之說欠科學根據。
劉欣宜為鍾蕙芝綁緊鬆脫上衣兼包上圍巾，果然夠老友！
（左）咁好姊妹，我都唔想見到你走光！（右）唔該晒！（設計對白）
而「必文」敖嘉年以王帝造型出現，並選了胡心諾為妃，問他是否與方力申同一品味，他避忌說︰「係公司安排，唔係我意思。（頭先食好多波餅？）食唔到，冇掂到，如果有我都行開啲。」
唔鍾意搞風搞雨
強調與鍾蕙芝冇不和的劉欣宜，自言替對方整理上衣並非怕被搶鏡︰「唔係驚！為個人安全，同埋大家都想效果靚。我冇嬲佢之前話我有臭狐，明顯我唔係狐仙，大家相處愉快。」對於李蘢怡批評G模欠實力，劉欣宜自言現時是學習階段，更視對方為參考的前輩，她說︰「我哋年資輕，仲喺學習階段，唔怕被人話波大冇腦，呢啲冇科學根據。」她並透露稍後將簽約新公司，除模特兒外，亦會向影圈發展，現時正學習唱歌裝備自己。
至於鍾蕙芝感激母親遺傳她好身材，對於經常與同屬E cup的劉欣宜同場，她表示不介意︰「一樣cup數冇所謂，今日一齊做騷唔使突圍，我已經回應過臭狐事件，係誤會，平時有傾偈，不過因為唔同公司，所以同胡心諾friend啲。（可以夾埋蝦劉欣宜？）唔會，我唔鍾意講是非同搞風搞雨，公餘都係休息同背稿。」另外她表示之前因不慣穿比堅尼工作才經常走光。
鍾蕙芝（左二）在台上玩遊戲時不時烏身，非常養眼。
一眾靚模甫出現，即吸引了不少龍友大影特影。
資料來源：蘋果日報(2009-06-25)、On.CC
0 意見:
張貼留言