比堅尼水戰性感 Lavina 露貼
動漫Maggie心口好安全
Lavina身材太勁露乳貼
Maggie血染泳池
騎着鱷魚浮床的香港嚫模明顯佔主場之利，水戰甫開始便We嘩鬼叫，極之投入。眾人奮力搶球之際未能兼顧平衡，難逃逐一落水命運。這邊廂身材逼爆的 Lavina動作多多，但因她所穿的小號泳衣僅能勉強遮蔽兩點，結果不慎露出乳貼。
Lavina泳衣不稱身，結果不慎露出右胸的乳貼，不過她自言一早預咗俾人睇。
那邊廂 Monique落水後重回水面之際，一塊胸墊徐徐浮出水面，身邊男工作人員即以閃電手將之撈起，收在鱷魚浮床底，隨後靜雞雞偷運給岸上的女工作人員。 Monique尷尬苦笑之餘，也懶理鴛鴦胸怪相，裝作若無其事繼續玩遊戲，畢竟導演一日未嗌 cut， the show must go on。
《有 Pad》 翻版阿 Sa未濕身前已明顯露出胸前厚墊。
《冇 Pad》跌甩右邊胸墊的 Monique懶理大細胸，繼續玩遊戲，非常專業。
《跌 Pad》翻版阿 Sa飛甩胸墊（紅圈示）後男工作人員閃電手打撈及收藏，過程不足三秒。
騎着蟹仔浮床的韓國 Yes三女相對較為失色，只能靠大動作取勝，在球來球往電光石火一刻，更不慎擊中動漫 Maggie的嘴唇，導致她流牙血，動漫 Maggie見紅之餘，又被兩位後起之輩奇招搶鏡，相當不是味兒。
嚫模元老動漫 Maggie被後輩搶鏡，其後因被撞至流牙血（小圖），才奪回一點同情分。
MiMi玩遊戲時十分投入，手舞足蹈。
Lavina事後得悉露乳貼仍相當鎮定，她說：「件泳衣係大會提供，個乳貼可能比較大塊，大家唔使驚，乳貼同打底褲嘅用途都係差唔多，預咗俾人睇到。」落水後飛甩一邊胸墊的 Monique，否認因身材被比下去而加厚墊，她尷尬地說：「可能近排壓力大令到細咗，所以加個墊，我唔擔心比人細，因為我仲有得發育。」動漫 Maggie則謂覺得自己已夠性感，她說：「唔會話邊個搶鏡，大家都係着比堅尼，冇話邊個性感啲。」
韓國組合 Yes和香港嚫模同場爭艷，各有特色。
資料來源：蘋果日報，明報
0 意見:
張貼留言